Maruku

ജീവിതം എന്നത് ചിലപ്പോൾ ഒരു വലിയ നിശ്ശബ്ദതയാണ്, മറ്റു ചിലപ്പോൾ ആയിരം വർത്തമാനങ്ങളുടെ ബഹളവും. ആ നിശ്ശബ്ദതയിലും ബഹളത്തിലും എന്നെ ഞാനായിത്തീർക്കുന്ന ചില ചെറിയ അടയാളങ്ങളുണ്ട്. ഒരു പക്ഷെ മറുകുകൾ പോലെ. ആത്മാവിലും ചില മറുകുകൾ നമ്മൾ പേറി നടക്കുന്നുണ്ടാകാം. വേദനയുടെ, പ്രണയത്തിൻ്റെ, നഷ്ടത്തിൻ്റെ, വിജയത്തിന്റെ... അങ്ങനെ പല നിറത്തിലും വലിപ്പത്തിലുമുള്ള മറുകുകൾ. 'മറുക്' എന്ന ഈ പുസ്‌തകം അത്തരം ചില അടയാളങ്ങളുടെയും അവ തീർത്ത അനുഭവങ്ങളുടെയും സമാഹാരമാണ്.