ആർ. ഗോപാലകൃഷ്ണവാര്യർ (മണി, കിഴക്കേ വാര്യരം).
കൊല്ലം ജില്ലയിലെ മുഖത്തല കിഴക്കേ വാര്യത്ത് കെ. പാർവ്വതി വാര്യരുടെയും, പടിഞ്ഞാറെ കല്ലട അമ്പലത്തടത്തിൽ വാര്യത്ത് സി.എസ്. രാമവാര്യരുടെയും മകനായി 1938-ൽ ജനിച്ചു.
മുഖത്തല ഗവ. എൽ.പി. സ്കൂളിലും എൻ.എസ്.എസ്. യു.പി. സ്കൂളിലുമായിരുന്നു പ്രാഥമിക വിദ്യാഭ്യാസം. തുടർന്ന് കരിക്കോട് ശിവറാം ഹൈസ്കൂളിൽ നിന്നും എസ്.എസ്.എൽ.സി. പാസ്സായ ശേഷം, കൊല്ലം എസ്.എൻ. കോളേജിൽ പഠിച്ച് ഇന്റർമീഡിയറ്റ് പാസ്സായി.
1959-ൽ ടെലികോം ഡിപ്പാർട്ട്മെന്റിൽ ടെലിഫോൺ ഓപ്പറേറ്ററായി ജോലിയിൽ പ്രവേശിച്ചു. തുടർന്ന് 1996-ൽ ചീഫ് ടെലിഫോൺ സൂപ്പർവൈസറായി ഔദ്യോഗിക ജീവിതത്തിൽ നിന്നും വിരമിച്ചു.
തിരുവല്ല, കവിയൂർ, പിഷാരത്തു പറമ്പിൽ വാര്യത്ത് പി.എ. രാധാമണി അമ്മയാണ് ഭാര്യ. എൻ.എസ്.എസ്. സ്കൂൾ യു.പി. വിഭാഗം ഹെഡ്മിസ്ട്രസ് ആയിരിക്കെ 1997-ൽ അവർ സർവ്വീസിൽ നിന്നും വിരമിച്ചു. ആർ.ജി. ഹരികുമാർ വാര്യർ, പരേതയായ ഡോ: ആർ.ജി. ശ്രീകുമാരി, ആർ.ജി. ശ്രീകുമാർ വാര്യർ എന്നിവരാണ് മക്കൾ.
